Oğuz rayonunda gənclərə təlim keçirildi

Oğuz rayonunda Gənclər və  İdman Nazirliyinin dəstəyi ilə “Gənc Novatorlar” gənclərin Maarifləndirilməsi İctimai Birliyi tərəfindən “Şimal-qərb regionunda gəncləri könüllü fəaliyyətə həvəsləndirmə proqramı” layihəsi həyata keçirilib. Layihəyə uyğun olaraq gənclərə könüllülük, liderlik, təşəbbüs qrupları, layihələrin yazılması və idarə olunması mövzusunda təlimlər keçirildi. Layihənin təqdimat mərasimində Oğuz  rayon  Gənclər və İdman İdarəsinin rəisi, QHT nümayəndələri iştirak edirdi. Çıxış edənlər layihənin region üçün vacibliyini, könüllülüyün regionda əsas problem olmasını bir daha qeyd etdilər. Gənclər təklif etdilər ki, belə layihələr regionda tez- tez həyata keçirilsin. Təlimlərdən əvvəl gənclərə təşkilat haqqında məlumat verildi və fəaliyyətinin əks etdirən məlumat vərəqləri paylanıldı. Təlim 2 gün keçirildi.