Şəkidə gənclərə təlimçilik haqqında təlim keçirildi.

28 aprel 2013-cü il tarixində Şəkidə “Gənc Novatorlar” Gənclərin Maarifləndirilməsi İctimai Birliyi tərəfindən  Azərbaycan Respublikası Gənclər və İdman Nazirliyinin maliyyə dəstəyi ilə “Şimal – qərb regionunda gəncləri könüllü fəaliyyətə həvəsləndirmə proqramı” layihəsinə uyğun olaraq “Təlimçilər üçün təlim” keçirilmişdir. Təlimdə Şəkidə təhsil alan gənclər iştirak edirdi. İnterektiv şəkildə təşkil olumuş təlimdə gənclərə təlimçilik barədə geniş məlumat verildi. İştirakçıların sualları cavablandırıldı. Keçirilən təlimlə layihənin bağlanışı oldu. İştirakçılar gələcəkdə də regionda bu tipli layihələrin keçirilməsini istədikləri bildirdilər.  Xatırladaq ki, layihəyə Şəki, Qax, Oğuz rayonlarından 100 nəfər gənc cəlb olundu.  Layihə müddətində gənclərə könüllülük, təşəbbüs qrupları, layihə yazılması və idarəolunması, təlimçilik barədə məlumat verilib.