“Davamlı insan inkişafına mane olan amillərlə mübarizə” Layihəsi

16-17 iyul 2014 - cü il tarixlərində Şəki şəhərində “Gənc Novatorlar” gənclərin maarifləndirilməsi İctimai Birliyi tərəfindən Azərbaycan Respublikası Prezindenti yanında Gənclər Fondunun dəstəyi ilə “Davamlı insan inkişafına mane olan amillərlə mübarizə” adlı layihə həyata keçirildi. Layihənin keçirilməsində əsas məqsəd davamlı insan inkişafına mane olan amillər barədə gəncləri məlumatlandırmaqdır. Layihənin açılış mərasimində Azərbaycan Respublikası Prezidenti yanında Gənclər Fondunun strateji planlaşdırma və beynəlxalq əlaqələr sektorunun məsləhətçisi Ramin Cəfərov, Şəki şəhər Gənclər və İdman İdarəsinin rəisi Vüqar İskəndərov, “Gənc Novatorlar” gənclərin maarifləndirilməsi İctimai Birliyinin sədri Murad İsayev  iştirak edirdi. Çıxış edən V.İskəndərov gənclərin inkişafına mane olan amillərə qarşı maarifləndirilmə işində layihənin önəmindən danışdı.  Daha sonra çıxış edən R.Cəfərov Gənclər Fondu haqqında iştirakçılara məlumat verdi və onları da öz ideyalarını reallaşdırmaq üçün Gənclər Fonduna müraciət etməyə çağırdı. Çıxış edən M.İsayev Layihənin məqsədi haqqında məlumat verdi və qeyd etdi ki, Azərbaycanda siqaretdən istifadə yaşının azalması gənclərin bu sahədə maarifləndirilməsinə ehtiyac olduğunu göstərdi. Açılış mərasimindən sonra gənclərə təlimlərə başlanıldı. 2 gün ərzində layihənin məqsədinə uyğun olaraq siqaret, narkomaniya, insan alveri, alkoqalizmdən qorunmaq haqqında təlimlər keçirildi.

Layihədə Şəki və respublikanın digər regionlarından gənclər iştirak edirdi.  Layihənin  sonuncu günündə layihənin bağlanış mərasimi keçirildi və layihə iştirakçılarına sertifikatlar verildi.