"Elektron hökumət və gənclik" adlı layihə keçirildi

Azərbaycan Respublikası Prezidenti yanında Gənclər Fondunun elan etdiyi III qrant müsabiqəsinin C kateqoriyası üzrə qalibi İsayev Murad Muxtar oğlu Fondun dəstəyi ilə Şəki şəhərində  20 oktyabr 2013 - cü il tarixində “Elektron hökumət və gənclik” adlı layihə keçirmişdir. Layihənin keçirilməsində əsas məqsəd hökumətin təklif etdiyi elektron xidmətlər,elektron hökumət portalı ( www. e  - gov.az ) və ondan istifadə haqqında gəncləri maarifləndirməkdir. Tədbirdə Şəki şəhər Gənclər və İdman İdarəsinin rəisi Vüqar İskəndərov,  Şəffaflıq Azərbaycan Təşkilatı -  ATƏT – in Qanunun Aliliyi Hüquq Resurs Mərkəsinin layihə koordinatoru Tural Salamov və Şəkinin fəal gəncləri iştirak edirdilər.

Tədbiri giriş sözü ilə layihə rəhbəri Murad İsayev açaraq qonaqları salamladı və layihə haqqında məlumat verdi. Çıxış üçün söz Şəki şəhər Gənclər və İdman İdarəsinin rəisi Vüqar İskəndərova verildi. V. İskəndərov da öz növbəsində layihənin aktual bir məsləyə həsr olunduğunu bildirdi və gənclərin, vətəndaşların bu mövzu haqqında maarifləndirilməsinin vacib olduğunu bildirdi.

Daha sonra Şəffaflıq Azərbaycan Təşkilatı -  ATƏT – in Qanunun Aliliyi Hüquq Resurs Mərkəsinin layihə koordinatoru Tural Salamov çıxış edərək təşkil olunan elektron xidmətlərin korrupsiya və baş verə biləcək  qanun pozuntularının qarşısının alınmasında əsas rol oynadığını bunun üçün də bu xidmətlərin tədbiqinin genişləndirilməsində belə tədbirlərin əsas rol oynadığını bildirdi.

Çıxışlardan sonra elektron xidmətlər və onlardan istifadə haqqında layihə rəhbəri Murad İsayev məlumat verdi. Həmçinin elektron hökumət portalında təklif olunan elektron xidmətlər haqqında  slide təqdim edildi. Tədbir qarşılıqlı fikir mübadiləsi şəraitində aparıldı və qiymətləndirmə ilə yekunlaşdı. İştirakçılar gələcək də belə layihələrin daha çox keçirilməsini təklif etdilər və belə layihələri dəstəklədiyi üçün Gənclər Fonduna təşəkkürlərini bildirdilər. Hazırlanan braşuralar iştirakçılara, tədbirdən sonra tələbələrə paylanıldı.