"Yol hərəkəti qaydalarını bilək və əməl edək" adlı layihə keçirildi

28-29 noyabr 2013- cü il tarixində Azərbaycan Respublikası Prezindenti yanında Gənclər Fondunun maliyyə dəstəyi ilə Şəki şəhərində “ Yol hərəkəti qaydalarını bilək və əməl edək” adlı layihə keçirildi. Layihənin keçirilməsində əsas məqsəd gəncləri, məktəbləri yol hərəkət qaydaları haqqında məlumatlandırmaqdır. Layihənin ilk günündə Şəki şəhərində təhsil alan tələbə gənclər iştirak etdilər. Tədbirə qonaq qismində Şəki şəhər Gənclər və İdman İdarəsinin rəisi Vüqar İskəndərov, Şəki şəhər rayon polis şöbəsinin dövlət yol bölməsinin baş inspektoru Tural Niftaliyev iştirak etmişdir. Qonaqlar layihənin əhəmiyyəti və vacibliyi haqqında məlumat verdilər. Çıxış edən T.Niftaliyev gənclərə yol hərəkət qaydaları haqqında məlumat verdi. Tədbirin ikinci günündə Şəki şəhərinin orta məktəb şagirdləri iştirak etdi. Təbirdə qonaq qismində Şəki şəhər Təhsil şöbəsinin metodisti Anar Məmmədov, Şəki şəhər rayon dövlət yol polis bölməsinin təbliğat təşviqat üzrə inspektoru baş polis leytnantı Fəqan Mehdiyev iştirak etdilər. Qonaqlara şagirdlərə yol hərəkət qaydaları haqqında ətraflı məlumat verilər. Tədbirlərin sonunda gənclərə məlumatlandırıcı braşuralar paylandı. Tədbirdən sonra braşuralar şəhər sakinlərinə də paylanıldı.

Layihə "Gənc Novatorlar" gənclərin maarifləndirilməsi İctimai Birliyinin həmtəsisçisi Salman Əliheydərovun  Gənclər Fondunun III qrant müsabiqəsində  C kateqoriyası üzrə qalib olub.