İCTİMAİ HESABAT

 “Gənc Novatorlar” gənclərin maarifləndirilməsi İctimai Birliyinin 2 illik

HESABATI

"Gənc Novatorlar" gənclərin maarifləndirilməsi İctimai Birliyi  18 avqust 2010- cu ildə təşəbbüs qrupu olaraq fəaliyyətə başlayıb. 29 iyun 2012-ci ildə Ədliyyə Nazirliyində dövlət qeydiyyatına alınıb. Təşkilat hələ təşəbbüs qrupu kimi fəaliyyət göstərərkən Şəki şəhərində  Gənclər və İdman idarəsinin dəstəyi ilə bir sıra layihələr həyata keçirib.

2010-cu ilin oktyabr ayında "Mən Lider Olsaydım.." adlı məktəblilər arasında inşa yarışması keçirilmişdir. Yarışmanın qalibləri 2 fevral 2011-ci il "Gənclər günü"nə həsr olunmuş Şəki şəhər Gənclər və İdman İdarəsinin təşkil etdiyi tədbirdə idarənin və təşkilatın adından Diplom və hədiyyələrlə mükafatlandırılmışdır.

12 dekabr 2010-cu ildə Ümummilli Lider Heydər Əliyevin anim günü ilə bağlı tədbir keçirilmişdir. Tədbirdə Gənclər və İdman İdarəsinin rəisi Vüqar İsgəndərov, QHT nümayəndələri və gənclər iştirak etmişlər. Tədbirdə təşkilatın hazırladığı video çarx nünayiş olundu və qonaqlar ümummilli liderlə bağlı çıxışlar etdilər.

24-25 dekabr 2010-cu ildə "Şəkisənət 2010" adlı gənc sənətkarların sərgisi keçirilmişdir. Sərgidə şəhər icra hakimiyyətinin, bələdiyyəsinin, mədəniyyət və turizm idarəsinin nümayəndələri və şəhər ictimaiyyəti iştirak etmişdir. Sərginin sonunda iştirakçılar İcra hakimiyyətinin, Gənclər və İdman idarəsinin, Mədəniyyət və Turizm İdarəsinin Diplom və Hədiyyərinə layiq görülmüşlər.

24 dekabr 2011-ci ildə "Şəkisənət 2011" adlı II gənc sənətkarların sərgisi keçirildi. Sərgidə Gənclər və idman İdarəsinin rəisi Vüqar İsgəndərov, İcra hakimiyyətinin nümayəndəsi və gənclər iştirak edirdi. Sərginin sonunda iştirakçılar Gənclər və İdman İdarəsinin Diplom və Hədiyyələrinə layiq görüldü.

3 yanvar 2012 –ci ildə Milli Demokratiya İnstitunun maliyyə dəstəyi ilə “ Hepatitsiz Həyat” layihəsi həyata keçirilmişdir. layihənin keçirilməsində əsas məqsəd Şəki şəhərində hepatit xəstəliyinə qarşı insanların maarifləndirilməsidir.

Bu işlərlə bərabər təşəbbüs qrupu olaraq Şəkidə ictimai işlərdə də könüllü və fəal olaraq iştirak etmişik. Təşəbbüs qrupu 15 may 2012-ci ildə fəaliyyətini Gənclər təşkilatı olaraq davam etdirilməsi  üçün təsis yığıncağı keçirdi qeydiyyat sənədlərinin Ədliyyə Nazirliyinə göndərilməsinə, təşkilatın qurulmasına dair qərar qəbul etdi. 29 iyun 2012 - ci ildə Ədliyyə Nazirliyində dövlət qeydiyyatına alınıb.

Qeydiyyata alındıqdan sonra Birlik öz fəaliyyətini daha da genişləndirdi və daha böyük layihələrin icrasına başladı. İlk olaraq “Hepatitsiz həyat” layihəsinin davamı kimi Şəki şəhərinin orta məktəblərdə şagirdlərlə görüşlər keçirilmiş. 

“Gənc Novatorlar” gənclərin maarifləndirilməsi İctimai Birliyinin təşəbbüsü, “KANAL S” televiziyasının dəstəyi ilə Şəkidə Jurnalistika kurslarına başlamışdır. 3 ay davam edən kurslarda yerli jurnaslitlərlə bərabər tanınmış aparıcılar Asif Bağırov və  Yusif Cəfərli  də gənclərə dərslər keçmişdir. Kursu müvəffəqiyyətlə bitirən iştirakçı Kanal S-də işlə təmin olunmuşdur.

Birlik Azərbaycan Respublikası Gənclər və İdman Nazirliyinin dəstəyi ilə “ Şimal qərb regionunda gəncləri könüllü fəaliyyətə həvəsləndirmə proqramı” layihəsini icra etmişdir. Layihədə əsas məqsəd region gənclərə könüllülük haqqında məlumat vermək, gəncləri könüllü fəaliyyətə həvəsləndirməkdir. Layihədə Oğuz, Qax, Şəkidən olan gənclər iştirak etmişdir.

“Gənc Novatorlar” gənclərin maarifləndirilməsi İctimai Birliyi 16 fevral 2012 – ci ildə Azərbaycan Respublikası Gənclər Təşkilatları Milli Şurasına üzv seçilmişdir. Bu da Birliyin Respublikanın digər Gənclər təşkilatları ilə əlaqələrinin qurulmasında və şəbəkələşməsində müsbət təsirini göstərmişdir.

Birlik Şəki şəhərində M.F.Axundovun 200 illiyinə həsr olunmuş məktəblilər arasında intelektual yarışma keçirmişdir. Yarışma Şəki şəhər Təhsil şöbəsinin, Gənclər və İdman İdarəsinin dəstəyi ilə hayata keçirilmişdir. İştirakçılara M.F.Axundzadənin həyat və yaradıcılığı haqqında suallar verilmişdir. Qaliblər mükafatlandırılmışdır.

15aprel - 4 may 2013 – cü il tarixlərində  “Gənc Novatorlar” gənclərin maarifləndirilməsi İctimai Birliyi “İSSAM” Hotel və Spa Mərkəzinin Baş sponsorluğu, Şəki şəhər Gənclər və İdman İdarəsi, Azərbaycan İntelelektual Klublar Assosiasiyası, Kanal S-in dəstəyi ilə  Ümummilli lider H.Əliyevin 90 illik yubileyinə həsr  olunmuş “Nə? Harada? Nə zaman? Intelektual oyunun üzrə Şəki şəhər Turnirinin keçirmişdir. Turnirdə şagirdlər və tələbələr iştirak etmişdir. Qaliblər təşkilatçılar tərəfindən mükafatlandırılmışdır.

Azərbaycan Respublikası Prezidenti yanında Gənclər Fondunun dəstəyi ilə “Gənclərin arxeoloji bilik və bacarıqlarının artırılması” adlı layihə keçirilmişdir. Layihədə Şəki və respublikanın müxtəlif reginlarında olan gənclər iştirak etmişdir. Gənclərə arxeologiya, Şəkinin arxeoloji yerləri haqqında məlumat verilmiş onları tarixi,arxeoloji yerlərə ekskursiyaya aparılmışdır.

Bu müddət ərzində Birlik, üzvlərinin Azərbaycan Respublikası Prezindeti yanında Gənclər Fondunun dəstəyi ilə keçirilmişdir “Elektron hökumət və Gənclik”, “Yol Hərəkəti qaydalarını bilək və əməl edək”, “ Tarix tələbələrin gözü ilə” layihələrin keçirilməsinə də yaxından kömək etmişdir. 

Şəkinin tarixini, mədəniyyətini özündə əks etdirən Şəki Veb Ensklopediyasının tərəfdaşıdır.

“Gənc Novatorlar” gənclərin maarifləndirilməsi İctimai Birliyi fəaliyyətinə görə Şəki şhər İcra hakimiyyəti başçısının, Şəki şəhər Gənclər və İdman İdarəsinin, Şəki Veb Ensklopediyası idarə heyətinin Diplom və Mükafatlarına layiq görülmüşdür.

Birlik Azərbaycan Respublikası Gənclər Təşkilatları Milli Şurasının keçirdiyi “Azərbaycan Könüllülük Xidməti” Proqramında iştirak edib və  Respublika üzrə “Milli Akreditasiya Sertifikatına” layiq görülən 10 təşkilatdan biri olub.

2 illik fəalliyətimiz müddətində gənclərin maarifləndirilməsi, elm və təhsilə olan marağının artırılması, ictimai fəallığının daha da artırılması istiqamətində uğurlu işlər həyata keçirmişik. Bununla belə gələcək illərdə yenə də “YENİLİKÇİ (NOVATOR) GƏNCLƏRLƏ YENİLİYƏ DOĞRU” şüarımızı əsas tutaraq İNŞALLAH daha böyük uğurlara nail olacağıq. Bu 2 il boyunca bizimlə olan, bizə dəstək verən şəxslərə, idarə və təşkilatlara və ən əsası gənclərimizə öz təşəkkürümüzü bildiririk.

gencnovatorlar@gmail.com